May 15, 2024, Wednesday
२०८१ जेष्ठ ३
Nepal 1:37:26 pm
Trending

लाभांश वितरण गर्ने प्रस्ताव सहित प्राइम कमर्सियल बैंकले बोलायो साधारण सभा ,हेर्नुहोस कहिले सम्म कारोबार गर्दा लाभांश पाइने

बिज संजाल संवाददाता
२०७८ मंसिर १२

गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश पारित गन प्राइम कमर्सियल बैंकले साधारण सभा बोलाएको छ।बैंकले पुस ६ गते सोमबार बैंकको केन्दीय कार्यालय कमलपोखरी काठमाडौंमा १४ औं वार्षिक साधारण सभा बिहान ११ बजे गर्ने जनाएको छ । कोभिड १९ महामारीको जोखिमका कारण साधारण सभामा सहभागी हुन इच्छुक शेयरधनीहरुलाई भिडियो कन्फ्रेन्स मार्फत जुम आईडि र पासकोड उपलब्ध गराउने व्यवस्था पनि गरिएको छ।

सभाले हाल कायम चुक्ता पूँजीको १६ प्रतिशत बोनस शेयर र सोको कर प्रयोजनार्थ ०.६३ प्रतिशत नगद लाभांश वितरण गर्ने विशेष प्रस्ताव पारित गर्नेछ। यसका साथै अन्य उपयुक्त बैंक तथा वित्तीय संस्थासँग मर्जर अथवा एक्विजिशनसम्बन्धि कार्य गर्न सञ्चालक समितिलाई अख्तियारी दिने लगायतका प्रस्तावहरु पारित गर्नेछ।

साधारण सभा प्रयोजनार्थ बैंकले मंसिर २२ गते एक दिनको लागि बुकक्लोज गर्ने भएको छ। यस अनुसार मंसिर २१ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउनुका साथै बैंकले वितरण गर्ने लाभांश प्राप्त गर्न सक्नेछन।